२०८३, श्रावण ९ गते
- यो साता चर्चामा :
काठमाडौं । एमालेका नेता लीलानाथ श्रेष्ठले चीनसँगको ऐतीहासिक सम्झौता नै वर्तमान सरकारको ठुलो उपलब्धि भएको बताउनुभएको छ ।
चीन सरकारसँग बीआरआई सम्झौता सहमतिमा हुनु नै ठुलो सफलता मान्नुपर्ने पूर्वमन्त्रीसमेत रहनुभएका श्रेष्ठको भनाइ छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता श्रेष्ठले विगतको तुलनामा अर्थतन्त्रमा सुधार आइरहेको दाबी गर्दै वर्तमान सरकारले राम्रा कामको सुरुवात गरेको दाबी गर्नुभयो ।
यस्तै उहाँले वर्तमान सरकारलाई जति प्रयास गरे पनि कसैले ढाल्न नसक्ने र ०८४ सम्मै रहनेमा विश्वास व्यक्त गर्नुभयो ।
सरकारविरुद्ध माओवादी केन्द्रका अध्यक्ष पुष्पकमल दाहाल प्रचण्डले पछिल्लो समयम विभिन्न किसीमका अभिव्यक्ति दिनु सरकारबाट बाहिरिनुपरेको पिडाबाहेक अरु केहि नभएको आरोप लगाउनुभयो ।
पाँच वर्ष नै कहिले एमाले र कहिले कांग्रेससँग मिलेर सरकारमा रहने रणनीतिमा रहेका प्रचण्ड आफू बिचमै बाहिरीनु परेको आवेगलाई पोख्दै र जनता भाड्दै हिडिरहेको नेता श्रेष्ठको टिप्पणी रहेको छ ।
