२०८३, श्रावण १० गते
- यो साता चर्चामा :
काठमाडौं । नेपाली कांग्रेसका नेता डाक्टर शेखर कोइरालाले वर्तमान सरकारलाई असफल हुने छुट नभएको बताउनुभएको छ ।
संसदका दुई ठुला दल नेपाली कांग्रेस र नेकपा एमाले मिलेर बनेको सरकार पूर्णकालनै चल्नुपर्ने बताउँदै चल्नेमा पनि आफू विश्वस्त रहेको नेता कोइरालाको भनाइ रहेको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता कोइरालाले सरकार ढाल्नुपर्ने कारणहरु केहि पनि नभएकाले सबैले अहिलेको सरकारलाई आफ्नो काम गर्न दिनुपर्नेमा पनि जोड दिनुभयो ।
यस्तै माओवादी केन्द्रका अध्यक्ष पुष्पकमल दाहाल प्रचण्डले हिजो एक कार्यक्रममा सरकार उथुलपुथल हुनेबित्तिकै आफ्नो पालो आउने बताउनुभएको थियो ।
यहि प्रसंगमा नेताकोइरालाले प्रचण्डले भनेर सरकार ढल्ने केहि पनि आधार नभएकाले यी सबै कुरा भ्रममात्रै भएको स्पष्ट पार्नुभयो ।
यसैबीच नेता कोइरालाले गठनको क्रममा गरिएको सात बुँदे सहमति अनुसार सरकार अगाडि बढ्नुपर्ने बताउँदै उहाँले भनिएका र व्यक्ति गरिएका प्रतिवद्धताअनुसार सरकार चले पूर्णरुपमा सफल हुने विश्वास व्यक्त गर्नुभयो ।
