काठमाडौं । नेपालमा आज थप दुई हजार ५६९ जनामा कोरोना भाइरस संक्रमण पुष्टि भएको छ । यससँगै कुल संक्रमितको संख्या दुई लाख दुई हजार ३२९ पुगेको स्वास्थ्य तथा जनसंख्या मन्त्रालयले जनाएको छ ।

आज थप एक हजार ६६६ जना संक्रमित डिस्चार्ज भएका छन् योसँगै हालसम्म डिस्चार्ज हुनेको कुल संख्या एक लाख ६२ हजार २४३ पुगेको छ ।

यस्तै देशभर आजसम्म सक्रिय संक्रमितको संख्या ३८ हजार ९१२ रहेको छ । आजसम्म १५ लाख ७४ हजार २९५ जनाको पीसीआर परीक्षण गरिएको छ । आजसम्म देशभर एक हजार १०९ जना क्वारेन्टिनमा रहेका छन् ।

यस्तै संक्रमणबाट थप २६ जनाको मृत्यु भएको छ । योसँगै हालसम्म संक्रमणबाट मृत्यु हुनेको संख्या एक हजार १७४ पुगेको छ ।