काठमाडौं। सेयर बजार परिसूचक नेप्से आज १५.४६ अंकले बढेको छ । परिसूचक ०.७३ प्रतिशतले बढेर २११९.६९ विन्दुमा बन्द भएको छ ।

आज १४६ कम्पनीको सेयर मूल्य बढेको छ भने ९३ कम्पनीको घट्दा ६ कम्पनीको सेयर मूल्य स्थिर छ। आज दुई करोड २१ लाख ६७ हजार ६७८ कित्ता सेयर ६ अर्ब ४८ करोड २५ लाख ४६ हजार रुपैयाँमा किनबेच भएको छ ।

आज विकास बैंक समूहका कम्पनीको सेयर मूल्य सर्वाधिक तथा विकास बैंक समूहको परिसूचक ३.४३ प्रतिशतले वृद्धि भएको छ भने १३ उपसमूहमध्ये दुईवटाको परिसूचक घटेको छ।

आँखुखोला जलविद्युत् कम्पनीको सेयर मूल्य सर्वाधिक १० प्रतिशतले बढेको छ । मैलुङखोला जलविद्युत् कम्पनीको सेयर मूल्य सर्वाधिक ९.३७ प्रतिशतले घटेको छ ।