काठमाडौं । नेपालमा आज थप २ हजार ८२४ जनामा कोरोना भाइरस संक्रमण पुष्टि भएको छ । योसँगै संक्रमितको कुल संख्या १ लाख ७३ हजार ५ सय ६७ पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिनुभयो ।

मन्त्रालयका अनुसार आज थप २ हजार २६४ जना संक्रमित डिस्चार्ज भएका छन् । योसँगै हालसम्म डिस्चार्ज हुनेको कुल संख्या १ लाख ३४ हजार ८ सय ४२ पुगेको छ ।

पछिल्लो २४ घण्टामा १३ हजार २३ जनाको पिसिआर परीक्षण गरिएको छ । हाल देशभर सक्रिय संक्रमितको संख्या ३७ हजार ७ सय ६५ रहेको छ भने २ हजार ३ सय ८६ जना क्वारेन्टिनमा छन् ।

पछिल्लो २४ घण्टामा थप २३ जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या ९ सय ६० पुगेको छ ।