काठमाडौं । कोरोना संक्रमणवाट थप २ जनाको मृत्युु भएको छ । कैलालीका एक जना कोरोना संक्रमित पुरुषको उपचारका क्रममा बाँकेमा मृत्यु भएको छ।

कैलाली जिल्लाको टिकापुर नगरपालिका वडा नं. १ निवासी ६० बर्षीय पुरुषको उपचारका क्रममा आज विहान मृत्यु भएको छ। नेपालगञ्जस्थित भेरी अस्पतालमा उपचारका क्रममा उनको मृत्यु भएको बाँकेका कोरोना फोकल पर्सन नरेश श्रेष्ठले जानकारी दिनुुभयो ।

स्वास्थ्यमा सुधार नआएपछि उपचारका क्रममा उनको मृत्यु भएको अस्पताल प्रशासनले जानकारी दिएको छ। हालसम्म बाँकेमा ५० जना संक्रमितको मृत्यु भएको फोकल पर्सन श्रेष्ठले जानकारी दिनुुभयो ।

यसैगरी , सुर्खेतस्थित प्रादेशिक अस्पतालमा उपचारको क्रममा भेरीगंगा नगरपालिका–१२ सुर्खेतका ३२ वर्षीय पुरुषको गएराति ११ बजे मृत्यु भएको छ ।

अस्पतालका कोरोना फोकल प्रसन डा. नवराज केसीका अनुसार उनलाई तीन दिन अगाडि कोरोना संक्रमण पुष्टि भएको थियो । कोहलपुरमा भेन्टिलेटर अभाव भएपछि उनलाई सुर्खेतस्थित प्रादेशिक अस्पतालमा गयराति १० बजे पु¥याइएको थियो ।

अस्पतालमा आएको एक घण्टाभित्रै उनको मृत्यु भएको डा. केसीले बताउनुु भएको छ ।