काठमाडौं । चिकित्सक तथा स्वास्थ्य संस्थामाथि श्रृंखलावद्ध रुपमा भइरहेको आक्रमणका विरुद्ध आवासीय चिकित्सकहरू आन्दोलित हुँदा दुई दिनदेखि ओपीडी सेवा प्रभावित भएको छ ।

स्वतस्फूर्त आन्दोलनमा काठमाडौँ, पोखरा, लुम्बिनी, नेपालगञ्जलगायत देश भरका आवासीय चिकित्सक आन्दोलित हुँदा ओपीडी सेवा प्रभावित भएको अस्पतालहरूले जनाएका छन् ।

न्याम्सका आवासीय चिकित्सक आन्दोलनमा सरिक भएकाले ओपीडी सेवा प्रवाह प्रभावित भएको सूचना अधिकारी बावुराम घिमिरेले बताउनुभयो । ओपीडी सेवा केही प्रभावित भएपनि आकस्मिक सेवा विगतमा निर्धारण गरिएका अप्रेशन भने भइरहेको उहाँले जानकारी दिनुभयो।

आवासीय चिकित्सक आन्दोलनमा उत्रिएपछि कन्सल्ट्यान्टले मात्रै धान्न गाह्रो हुने उहाँको भनाई छ ।