काठमाडौं । पछिल्लो २४ घण्टामा थप २ हजार २५३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार हालसम्म देशभर संक्रमित हुनेको संख्या ८६ हजार ८२३ पुगेको छ ।

यस अवधिमा १ हजार ३२९ जना कोरोनाबाट निको भएका छन् । योसहित हालसम्म निको हुनेको संख्या ६४ हजार ६९ पुगेको छ ।
हाल देशका विभिन्न ठाउँमा सक्रिय संक्रमितको संख्या २२ हजार २१९ रहेको छ ।

त्यस्तै थप ७ जनाको कोरोनाबाट मृत्यु भएको छ । योसहित हालसम्म कोरोनाबाट मृत्यु हुनेको संख्या ५ सय ३५ पुगेको छ ।