काठमाडौं । नेपाली कांग्रेसका नेता अर्जुननरसिंह केसीले करिव सय किलो सुन प्रकरणमा उच्च स्तरीय छानविन समिती नै निर्माण गनुपर्ने बताउनुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै पूर्वमन्त्रीसमेत रहनुभएका केसीले उच्च स्तरीय र राजनीति निर्णायकको संलग्नता नभएसम्म सियो छिर्न नसक्ने एयरपोर्टबाट क्विन्टल सुन भित्रिन नसक्ने दाबी गर्दै सुन प्रकरणमा उच्च स्तरीय छानविन समिती नै निर्माण गर्नुपर्ने कुरामा जोड दिनुभयो ।

यहि विषयलाई लिएर संसद अहिलेसम्म नखोलिनु दुखद भएको नेता केसीको भनाइ छ । केसीले संसद जनताका आजाव, पिडा र गुनासाहरु उठाइने र समाधान खोजिने थलो भएका कारण यति लामो समयसम्म संसदलाई बन्द गरिनु दुखद भएको बताउनुभएको हो ।

एकपक्षले विरोध गर्ने अर्कोपक्षले बोल्न नदिने गरि चलिरहेको यो निरन्तरको अवस्थाले संसदको गरिमालाई गिराएको पनि नेता केसीको भनाइ छ ।