२०८३, श्रावण १० गते
- यो साता चर्चामा :
काठमाडौं । नेकपा अध्यक्ष तथा प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच प्रधानमन्त्री निवास बालुवाटारमा छलफल भइरहेको छ ।
मन्त्रिपरिषद् पुनर्गठन, संबैधानिक आयोगहरुमा पदाधिकारी नियुक्ति र पार्टी एकताका बाँकी काम सम्पन्न गर्ने विषयमा ओली र प्रचण्डबीच नियमित छलफल चलिरहेको छ । त्यसैको निरन्तरतास्वरुप उनीहरु आज पनि छलफल गरिहेका छन् ।
गत बिहीबारदेखि ओली र प्रचण्डबीच दैनिक छलफल भइरहेको छ । प्रधानमन्त्री ओलीले मन्त्रिमण्डल पुनर्गठनको तयारी तीब्र पारेपछि पार्टीका दुई प्रमुख नेताबीच छलफल सुरु भएको हो ।
सोमबार भएको छलफलबाट मन्त्रालय टुक्र्याउने सहमति भएको भए पनि दुई नेताले मन्त्री कसलाई बनाउने र कसलाई हटाउने भन्ने निर्णय भने गर्न सकेनन् ।
