काठमाडौं । आगामी आर्थिक वर्ष २०८०/०८१ को बजेटमा गाँजा पनि समेटिएको छ। अर्थमन्त्री प्रकाशशरण महतले सोमबार संसद्मा बजेट भाषण गर्दै गाँजा पनि समेट्नुभएको हो ।
औषधि उपचारका लागि गाँजा खेतीको सम्भाव्यता अध्ययन गरिने अर्थमन्त्री महतले बताउनुभयो। लामो समयदेखि केही अभियान्ताहरूले पनि गाँजा खेतीलाई वैधानिक बनाउन माग गर्दै आएका छन्।
सरकारले यसको उपयोगिता र अर्थतन्त्रमा दिन सक्ने सुधारबारे अध्ययन गर्ने र गाँजा खेतीका लागि सम्भाव्यता अध्ययनको विषय बजेटमा समावेश गरेको हो।
