काठमाडौं । आगामी जेठ १ गतेदेखि मेलम्चीको पानी वितरण रोकिने भएको छ । केही ठाउँमा मर्मत गर्नुपर्ने भएकोले मेलम्चीको पानी केही समय रोकिने भएको हो ।
हेलम्बु–१ स्थित आयोजनाको मुहान तथा हेडवर्क्समा केही उपकरण जडान तथा मर्मत–सम्भार गर्नुपर्ने भएकाले दुई हप्ताका लागि पानी वितरण बन्द हुने मेलम्ची खानेपानी आयोजनाका सिनियर डिभिजनल इन्जिनियर पदमबहादुर कुँवरले जानकारी दिनुभयो ।
सामान्य बाढी आएको बेला आयोजना सञ्चालनमा नै राख्ने गरी अहिले उपकरण जडान तथा मर्मत–सम्भार गर्न लागिएको उहाँले जानकारी दिनुभयो । मेलम्चीको पानी काठमाडौं उपत्यकामा वितरण हुँदै आएको छ ।
।
