काठमाडौं । राष्ट्रिय प्रजातन्त्र पार्टी (राप्रपा) ले भ्रष्टाचारविरुद्ध शुक्रबार(आज) प्रधानमन्त्रीलाई ज्ञापनपत्र बुझाउने भएको छ ।
भ्रष्टाचार र भ्रष्टाचारीविरुद्ध देशभरकै जिल्ला प्रशासन कार्यालयमार्फत प्रधानमन्त्रीलाई ज्ञापनपत्र बुझाउने कार्यक्रम रहेको राप्रपा वरिष्ठ उपाध्यक्ष रवीन्द्र मिश्रले जानकारी दिनुभयो ।
उहाँका अनुसार दिउँसो १ बजे राप्रपाले जिल्ला प्रशासन कार्यालयमार्फत प्रधानमन्त्रीलाई ज्ञापनपत्र बुझाउने छ ।
नक्कली भुटानी शरणार्थी प्रकरणमा दलका ठुला नेताहरू तानिइरहेका बेला राप्रपाले भ्रष्टाचारविरुद्ध ज्ञापन पत्र बुझाउन लागेको हो ।
