नेपाली कांग्रेसका नेता भीमसेनदास प्रधानले पार्टी सभापति शेरबहादुर देउवा झन् झन् शक्तिशाली हुँदै गएको बताउनुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै पूर्वमन्त्री समेत रहनुभएका प्रधानले पहिले पार्टीमा तीनचारवटा समूह रहेको तर अहिले डा. शेखर कोइरालाको समूहबाहेक कृष्णप्रसाद सिटौला, प्रकाशमान सिंह र रामचन्द्र पौडेल समूह समाहित भएपछि देउवा समूह झन् शक्तिशाली भएको दावी गर्नुभयो ।

जनता चौतर्फी रुपमा आहत भएकाले सरकार राहत दिने काममा लाग्नुपर्ने उहाँको भनाइ छ । यस्तै उहाँले पार्टी छाड्ने अर्थशास्त्री स्वर्णिम वाग्लेको निर्णय सही नभएको बताउँदै पुरानाहरुभन्दा वाग्लेले कांग्रेसमा धेरै अवसर पाएका तर्क गर्नुभयो । यस्तै पार्टीमा परिवारवाद हावी भएको प्रधानको आरोप छ ।