काठमाडौं । विगत २४ घण्टामा नौ सय ६६ जना कोरोना भाइरस संक्रमित निको भएर डिस्चार्ज भएका छन् । हालसम्म डिस्चार्ज हुनेको संख्या ४६ हजार दुई सय ३३ रहेको मन्त्रालयले जनाएको छ ।

हाल सक्रिय संक्रमित भने १७ हजार चार सय ७८ जना छन् । त्यसमध्ये संस्थागत आइसोलेसनमा नौ हजार ७१ जना र होम आइसोलेसनमा आठ हजार सातजना बसेका छन् ।

संक्रमितमध्ये एक सय ९० जनाको आइसियु र ३६ जनाको भेन्टिलेरमा उपचार भइरहेको मन्त्रालयले जनाएको छ । हाल क्वारेन्टिनमा सात हजार चार सय ५१ जना रहेका छन् ।