काठमाडौं । देशभर गरिएका परीक्षणमा आज थप १२ सय चार जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यो अवधिमा १० हजार तीन सय तीनजनाको नमुना पिसिआर विधिबाट परीक्षण गरिएको थियो ।

आज थप भएकोसमेत देशभर हालसम्म संक्रमित हुनेको संख्या ६२ हजार सात सय ९७ पुगेको छ ।

विगत २४ घन्टामा १४ सय ४७ जना संक्रमणमुक्त भई डिस्चार्ज भएका छन् । हालसम्म डिस्चार्ज हुनेको संख्या ४५ हजार दुई सय ६७ पुगेको छ ।

हाल सक्रिय संक्रमित भने १७ हजार एक सय २९ जना रहेका छन् । त्यसमध्ये नौ हजार एक सय ५३ जना संस्थागत र सात हजार नौ सय ७६ जना होम आइसोलेसनमा रहेको मन्त्रालयले जनाएको छ ।