२०८३, श्रावण ११ गते
- यो साता चर्चामा :
काठमाडौं । पछिल्लो २४ घण्टामा एक हजार २४६ जनामा कोरोना भाइरस (कोभिड–१९) को संक्रमण पुष्टि भएको छ । देशभरका प्रयोगशालामा १० हजार ६४१ नमुना परीक्षण गर्दा उनीहरुमा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
यससँगै कुल संक्रमितको संख्या ५९ हजार ५७३ पुगेको छ । यस्तै पछिल्लो पटक एक हजार २४३ जना डिस्चार्ज भएका छन् । यससँगै डिस्चार्ज हुनेको कूल संख्या ४२ हजार ९४९ पुगेको छ ।
थप ४ जनाको मृत्यु
कोरोना संक्रमणबाट पछिल्लो २४ घण्टामा थप चारजनाको निधन भएको छ । मृत्यु हुनेमा तीन महिला र एकजना पुरुष छन् । मृत्यु हुनेमा काठमाडौंका एक पुरुष, मोरङ, चितवन र कैलालीमा एक– एकजना रहेका छन् ।
योसँगै देशभर संक्रमणबाट निधन हुनेको संख्या ३८३ पुगेको स्वास्थ्य तथा जनसंख्या मन्त्रालयले जनाएको छ ।
