काठमाडौं । नेपाली बजारमा बुधबार(आज) पनि सुनको मूल्य ओरालो लागेको छ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ४०० रुपैयाँले घटेको हो। योसँगै प्रतितोला सुनको मूल्य ९६ हजार ८०० रुपैयाँ र तेजाबी सुनको मूल्य ९६ हजार ३०० रुपैयाँ कायम भएको छ।
हिजो पनि सुनको मूल्य तोलामा ३०० रुपैयाँले घटेको थियो। यो दिन प्रतितोला सुनको मूल्य ९७ हजार २०० रुपैयाँ र तेजाबी सुनको मूल्य९६ हजार ७०० रुपैयाँ रहेको थियो ।
आज चाँदीको मूल्य तोलामा ५ रुपैयाँले घटेर १ हजार २७५ रुपैयाँ कायम भएको छ। हिजो तोलामा १५ रुपैयाँले बढेर चाँदी १ हजार २८० रुपैयाँमा कारोबार भएको थियो।
