काठमाडौं । काठमाडौं– ४ मा कांग्रेस उम्मेदवार गगन थापाले मतान्तर बढाउनुभएको छ। प्रारम्भिक मत गणनामा उहाँ एमालेका उम्मेदवार राजन भट्टराईभन्दा ४०९ मतले अगाडि हुनुहुन्छ ।
अहिलेसम्म २७०५ मत गणना गरिएकोमा कांग्रेस उम्मेदवार थापाले १३५८ मत पाउनुभएको छ भने एमालेका उम्मेदवार राजन भट्टराईले ९४९ पाएर पछ्याइ रहनुभएको छ ।
यस निर्वाचन क्षेत्रमा २०७० र २०७४ मा थापा नै विजयी हुनुभएको थियो। २०७४ मा उहाँले भट्टराईलाई नै पराजित गर्नुभएको थियो।
