काठमाडौं । नेकपा (माओवादी केन्द्र)का अध्यक्ष एवम् पूर्वप्रधानमन्त्री पुष्पकमल दाहालले आगामी मंसिर ४ गते देशलाई फेरि निरकुंशतातिर लाने हो वा होइन भन्ने विषयमा जनमत संग्रहजस्तै हुने बताउनुभएको छ । चितवनको भरतपुरमा आयोजित सत्तारुढ गठबन्धनको चुनावी सभालाई सम्बोधन गर्दै अध्यक्ष प्रचण्डले सो कुरा बताउनुभएको हो ।

गठबन्धनका उम्मेदवारलाई अत्यधिक मतले विजयी गराउन अपिल गर्दै अध्यक्ष प्रचण्डले भन्नुभयो, ‘निरंकुशतातिर लैजाने हो भन्ने कुरा कुरामा जनमत संग्रह जस्तो यो निर्वाचनमा हुँदैछ,’

प्रतिगामी र अवसरवादी तत्वहरुले फेरि मुलुकमा राजनीतिक दुर्घटना निम्त्याउन नदिन पनि आम मतदाताले आसन्न प्रतिनिधिसभा र प्रदेशसभा निर्वाचनमा सत्तारुढ गठबन्धनका उम्मेदवारहरुलाई विजयी गराउनुपर्ने उहाँको भनाई थियो।

अध्यक्ष दाहालले सत्तारुढ गठबन्धनले चुनाव जिते मात्रै मुलुकमा विकास र समृद्धिको मार्ग खुल्ने जिकीर समेत गर्नुभयो।