काठमाडौं । पछिल्लो २४ घण्टाको अवधिमा थप एक हजार तीन सय ५९ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा चार सय ६४ महिला र आठ सय ९५ जना पुरुषगरी कुल एक हजार तीन सय ५९ जनामा कोरोना भाइरस संक्रमण देखिएको जानकारी दिनुभयो ।

आज थपिएका संक्रमितसँगै देशभर कुल संक्रमितको संख्या ४४ हजार दुई सय ३६ पुगेको छ ।

काठमाडौं उपत्यकाका तीन जिल्लामा मात्रै आज चार सय ५४ जना कोरोना संक्रमित थपिएका छन् ।

थपिएकामा काठमाडौं जिल्लाका तीन सय ८६, ललितपुरका ३२ र भक्तपुरका ३६ जना रहेको मन्त्रालयले जनाएको छ ।