काठमाडौं । काठमाडौंमा थप दुईजना भाइरस कोरोना संक्रमितको मृत्यु भएको छ । महाराजगञ्जस्थित त्रिवि शिक्षण अस्पताल एक पुरुष र एक महिलाको मृत्यु भएको हो ।

शिक्षण अस्पतालका कोभिड फोकल पर्सन डाक्टर सविन थपलियाको अनुसार ७५ वर्षीय एक पुरुष र २० वर्षीया एक महिलाको कोरोना संक्रमणको कारण मृत्यु भएको हो ।

थपलियाका अनुसार ७५ वर्षीय पुरुष काठमाडौं मैतिदेवीका हुन् भने अर्की महिला तनहुँकी हुन् । सुगर, प्रेसर जस्ता दीर्घरोग भएका ७५ वर्षीय पुरुष गत भदौ १५ गते अस्पताल भर्ना भएका थिए भने २० वर्षीया महिलालाई बाथरोथ र मिर्गौलाको समस्या थियो ।