काठमाडौं । गोरखा जिल्ला अस्पतालमा उपचाररत एक जना कोरोना संक्रमितको मृत्यु भएको छ । पालुङटार नगरपालिका वडा नं. ७ का ४४ वर्षीय पुरुषको उपचारका क्रममा मृत्यु भएको हो ।

यससँगै नेपालमा कोरोना संक्रमणबाट मृत्यु हुनेहरुको संख्या ३३ पुगेको छ । गोरखा अस्पतालका निमित्त मेडिकल सुपरिटेन्डेन्ट डा. नविन थापाले ती पुरुषको शनिबार (आज) बिहान ५ बजे मृत्यु भएको जानकारी दिनुभयो ।

उनमा शुक्रबार कोरोना संक्रमण पुष्टि भएपछि सोही दिन राति करिब १० बजे आइसोलसनमा राखेर उपचार सुरु गरिएको थियो । डा. थापाका अनुसार उनी डाइबिटीजको दीर्घरोगी समेत थिए । ती पुरुष यही असार १६ गते कतारबाट आएका थिए ।