काठमाडौं । नेपालमा पछिल्लो २४ घण्टामा २०० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३ हजार ५३७ वटा स्वाब नमुनाको परीक्षण गर्दा २०० जनामा संक्रमण देखाएको हो । १ हजार ३८१ नमुनाको पीसीआर परीक्षण गर्दा ९२ र २ हजार १५६ नमुनाको एन्टिजेन विधिबाट परीक्षण गर्दा १०८ जनामा संक्रमण देखिएको हो ।
पछिल्लो २४ घण्टामा कोरोनाका कारण देशभर २ जनाको मृत्यु पुष्टि भएको छ । हालसम्म नेपालमा कोरोनाका कारण १२ हजार ७ जनाको मृत्यु भएको छ ।
पछिल्लो २४ घण्टामा ३३९ जना निको भएका छन् । योसँगै नेपालमा कोरोनामुक्त हुनेको संख्या ९ लाख ८३ हजार १०३ पुगेको छ ।
हाल देशभर कोरोनाका सक्रिय संक्रमितको संख्या २ हजार ६४२ रहेको स्वास्थ्य मन्त्रालयले जनाएको छ ।
त्यस्तै, २ लाख ९७ हजार ११५ जनाले कोरोनाविरुद्धको खोप पनि लगाएका छन् ।
