काठमाडौं । पछिल्लो अध्यावधिक विवरणअनुसार नेपालमा कोरोना संक्रमणबाट चार महिला र १० पुरुषसहित १४ जनाको मृत्यु भएको छ । यो हालसम्मकै बढी संख्या हो । मृतक महिलामा सुनसरी, बारा, महोत्तरी र काठमाडौंका १–१ जना रहेका छन् ।

त्यस्तै, मृतक पुरुषमा महोत्तरी र रुपन्देहीका २–२ तथा सुनसरी, मोरङ, रौतहट, ललितपुर, भक्तपुर र नवलपरासीका १–१ जना गरी १० जना रहेका छन् ।

योसँगै देशभर कोरोनाबाट मृत्यु हुनेको कुल संख्या २२१ पुगेको स्वास्थ्य मन्त्रालयका प्रवक्ता गौतमले जानकारी दिनुभयो ।
यससँगै देशभर कोरोना संक्रमितको कुल संख्या ३८ हजार ५६१ पुगेको छ ।

साथै, पछिल्लो २४ घण्टामा थप २६७ संक्रमित निको भएसँगै कुल निको हुनेको संख्या २० हजार ८२२ पुगेको छ ।