काठमाडौं । नेपाल प्रहरीका प्रवक्ता डीआईजी टेकप्रसाद राईले नेत्रविक्रम चन्द (विप्लव) लगायतका नेताहरुलाई कानुन बमोजिम पक्राउ गर्ने बताउनुभएको छ ।

नेपाली रेडियो नेटवर्क नेपाली बहसमा पत्रकार ऋषि धमलासँग कुरा गर्दै प्रवक्ता राईले विप्लवका नेतालाई २०७५ फागुनमा नख्खुको एनसेल टावरमा विष्फोट गरेको फौजदारी अभियोगमा जिल्ला अदालत पाटनले पक्राउ पुर्जी जारी गरेको र अदालतको आदेश आफूहरुले पालना गर्नुपर्ने भएकाले यसलाई राजनीतिक रुपमा हेर्न नमिल्ने बताउनुभयो । अदालतबाट अर्को आदेश नआएसम्म नेपाल प्रहरीले कानुन बमोजिम गर्ने प्रवक्ता राईले स्पष्ट पार्नुभयो ।

हिजो ललितपुर जिल्ला अदालतले बिप्लप प्रवक्ता खड्गबहादुर विश्वकर्मालगायतका नेताहरूविरुद्ध पक्राउ पुर्जी जारी गरेको छ ।
ललितपुर जिल्ला अदालतले पार्टीका महासचिव नेत्रविक्रम चन्द (बिप्लप) प्रवक्ता खड्गबहादुर विश्वकर्मालगायतका नेताहरूविरुद्ध पक्राउ पुर्जी जारी गरेको थियो ।

अदालतले उनीहरूविरूद्ध हातहतियार तथा खरखजाना समेतको मुद्दा, बिस्फोटक पदार्थ बिस्फोटन गराई कर्तव्य ज्यान, राज्य विरूद्धको अपराध, हातहतियार तथा विस्फोटक पदार्थ सम्बन्धी कसुरको मुद्दामा ३५ दिने पक्राउ पुर्जी जारी गरेको हो ।

यता विप्लवले भने सरकारले तीन बुँदे सहमति कार्यान्वयन नगरे हातमा दही जमाएर नबस्ने चेतावनी दिएको छ । हिजो विज्ञप्ति जारी गर्दै नेकपा विप्लवले सरकार र राज्यले चेतावनी दिएको हो । नेकपाले सरकारले आफ्ना नेता कार्यकर्तालाई पक्राउ पुर्जी जारी गरेर देशलाई पुनः द्धन्द्धमा लैजान खोजेको आरोपसमेत लगाएको छ ।