काठमाडौं । काठमाडौं उपत्यकामा जारी निषेधाज्ञाबारे हिजोको छलफल निष्कर्षमा पुग्न नसकेपछि आज पनि उपत्यकाका तीनवटै जिल्लाका प्रमुख जिल्ला अधिकारीहरुको बैठक पुनः बस्ने भएको छ । यसअघि हिजो बसेको वैठकले निषेधाज्ञा थप्ने नथप्ने बारे कुनै पनि निर्णय गर्न सकेन ।

हिजो दिउँसो ३.०० बजे शुरु भएको बैठक अबेरसम्म चले पनि कुनै निर्णय नभएको र आज विहान फेरि बैठक बस्ने काठमार्डौ जिल्लाका प्रमुख जिल्ला अधिकारी जनकराज दहालले जानकारी दिनुभएको छ ।

त्यस्तै ललितपुरका प्रमुख जिल्ला अधिकारी नरायणप्रसाद भट्टले पनि आजको बैठकबाट निषेधाज्ञा थप्ने वा नथप्ने विषयमा कुनै निर्णय नगरेको र आज पुनः बैठक बस्ने बताउनुभयो । यस अघि भदौ ३ गते राती १२ः०० बजेबाट जारी निषेधाज्ञा बुधबार आज राती १२ः०० बजेसम्मका लागि रहेको छ ।