काठमाडौं । कोरोना भाइरस संक्रमणबाट नेपालमा थप दुई जनाको मृत्यु भएको छ । धरान र विराटनगरमा एक–एक जना कोरोना संक्रमितको मृत्यु भएको हो ।

विराटनगरमा गएराति थप एकजना कोरोना संक्रमितको मृत्यु भएको हो । कोरोना संक्रमणबाट विराटनगर ८ का ६५ वर्षीय पुरुषको मृत्यु भएको हो । योसँगै महानगरमा मात्रै कोरोना संक्रमणले मृत्यु हुनेको संख्या १० पुगेको छ ।

त्यस्तै, आइतबार साँझ बिपी कोइराला स्वास्थ्य विज्ञान प्रतिष्ठानमा धरान ८ का ६८ वर्षीय पुरुषको मृत्यु भएको छ ।

यससँगै धरानमा कोरोना संक्रमणबाट मृत्यु हुनेको संख्या तीन पुगेको छ ।