काठमाडौं । अभिनेत्री नीता ढुङ्गाना र प्रेमी तथा ज्योतिषी हरिहर अधिकारी शुक्रबार वैवाहिक बन्धनमा बाँधिएका छन् ।
शुक्रबार काठमाडौंको याक एण्ड यति होटेलमा उनीहरूको विवाह भएको हो ।
वैवाहिक कार्यक्रममा निकट फिल्मकर्मी, सञ्चारकर्मी र आफन्त उपस्थित थिए । विवाहमा अभिनेता सरोज खनाल पनि उपस्थित भए । अरूलाई भने प्रवेश दिइएको थिएन ।
चार वर्षदेखि प्रेम सम्बन्धमा रहेको यो जोडीले सम्बन्धलाई दाम्पत्य जीवनमा परिणत गरेको हो ।
