काठमाडौं । सभामुख अग्निप्रसाद सापकोटाले पेट्रोलियम पदार्थमा भएको मूल्यवृद्धिबारे सरकारलाई रुलिङ गर्नुभएको छ। सभामुख सापकोटाले पेट्रोलियम पदार्थमा मूल्य बढाइनुको कारणसहित जवाफ दिन सरकारलाई निर्देश गर्नुभएको हो ।
प्रमुख प्रतिपक्षी दल नेकपा एमालेको आग्रहपछि सभामुखले सरकारलाई रुलिङ गर्नुभएको हो । सोमबार(आज) प्रतिनिधिसभा बैठकको सुरुमै एमाले सांसद पद्मा अर्यालले पेट्रोलियम पदार्थमा भइरहेको मूल्यवृद्धिबारे सरकारको ध्यानाकर्षण गराउनुभएको थियो।
अर्यालले मूल्यवृद्धिबारे सरकारलाई रुलिङ गर्न आग्रह गर्दै रुलिङ नभए संसद् चल्न नसक्ने बताउनुभएको थियो। त्यसपछि सभामुख सापकोटाले मूल्यवृद्धिबारे वास्तविकता जानकारी गराउन सरकारलाई निर्देश गर्नुभएको हो।
