काठमाडौं – सप्तरीमा चार दिनदेखि उच्च ज्वरो आएपछि उपचारका लागि धरान लैजाने तयारी गर्दागर्दै एक महिलाको मृत्यु भएको छ । मृत्यु हुनेमा डाक्नेश्वरी नगरपालिका –८ निवासी ३२ वर्षीया महिला रहेकी छन् ।

गएराति अत्यधिक ज्वरो आएपछि उनको मृत्यु भएको नगरपालिकाका स्वास्थ्य संयोजक उमेश साहले बताउनुभयो ।

साहका अनुसार ३५ वर्षीया ती महिलालाई पछिल्लो चार दिनदेखि ज्वरो आइरहेको थियो । उनलाई आज बिहान धरान लैजाने तयारी गर्दागर्दै उनको मृत्यु भएको बताइएको छ ।

ती महिलाको पिसिआर परीक्षणका लागि स्वाब संकलन गरेर पठाइएको र रातिसम्म रिपोर्ट आउने स्वास्थ्य संयोजक साहले बताउनुभयो ।