काठमाडौं । प्रधानमन्त्री शेरबहादुर देउवाले गैरआवासीय नेपालीहरुको नागरिकताको समस्यालाई यथाशीघ्र सम्बोधन गर्ने प्रतिबद्धता जनाउनुभएको छ ।

गैरआवासीय नेपाली संघले आज राजधानीमा आयोजना गरेको कार्यक्रमलाई सम्बोधन गर्दैै उहाँले यस्तो प्रतिवद्धता जनाउनुभएको हो ।

गैरआवासीय नेपालीको नागरिकताका विषयलाई जतिसक्दो चाँडो सम्बोधन गर्न लागि परेको देउवाको भनाइ छ । सम्बोधनका क्रममा उहाँले प्रवासी नेपालीहरुलाई आफूसँग भएको सीप र पूँजी नेपालको विकासमा लगाउन आव्हान गर्नुभयो ।

‘तपाईँहरुले विदेशमा थुप्रै विकास देख्नुभएको छ । आउनुहोस्, हातेमालो गरौँ, नेपाललाई हाम्रो जीवनमा एउटा सभ्य विकसित मुलुक बनाई छोडौँ,’ प्रधानमन्त्री देउवाले भन्ुभयो ।