मंगलबार निधन भएका राष्ट्रकवि माधवप्रसाद घिमिरे नेपाली सेनाका मानार्थ सहायक रथीसमेत हुनुहन्थ्यो । मन्त्रिपरिषद्को निर्णयानुसार उहाँलाई राष्ट्रपति विद्यादेवी भण्डारीले विसं ०७४ सालमा सेनाको मानार्थ सहायक रथीको उपाधिबाट सम्मानित गर्नुभएको थियो ।

सेनाका अनुसार मानार्थ सहायक रथी पद नेपालमा राष्ट्रकवि घिमिरेलाई मात्र दिइएको छ ।

‘नेपाली सेनाको मानार्थ सहायक रथीको पद नेपालमा राष्ट्रकवि घिमिरेलाई मात्र दिइएको छ ’, सेनाका प्रवक्ता सन्तोषबल्लभ पौडेलले नेपाली नेटवर्कसँग कुरा गर्दै भन्नुभयो, ‘उहाँले सेनाको युनफर्म लगाउनसमेत पाउनुहुन्थ्यो ।’

यसैबीच, राष्ट्रकविले सेनाको युनिफर्म लगाएको तस्बिरसमेत सार्वजनिक भएको छ ।

प्रवक्ता पौडेलका अनुसार मानार्थ पद दिइए पनि कुनै सरकारी सेवा सुविधा भने राष्ट्रकविलाई दिइएको थिएन ।

नेपाली साहित्य क्षेत्रका विशेष योगदान पुर्याएवापत मानार्थ उपाधि दिइएको उहाँको भनाइ छ ।

यसअघि, वरिष्ठ संगीतकार अम्बर गुरुङलाई नेपाली सेनाले मानार्थ महासेनानीको पद दिएको थियो ।

राष्ट्रकवि घिमिरेको पशुपति आर्यटाटमा आजै अन्येष्टि गरिएको छ । उहाँलाई उपप्रधान तथा रक्षामन्त्री ईश्वर पोखरेलले राष्ट्रिय झण्डा ओढाएर सम्मान व्यक्तगर्नुभएको थियो ।

घिमिरेको पार्थिव शरीरलाई सेनाकै गाडीमा राखेर आर्यघाटसम्म पु¥याइने थियो । त्यहाँ सेनाका तर्फबाट २१ जनाको टुकडी र सशस्त्र प्रहरीको २१ जनाको टोलीले उहाँलाई अन्तिम सलामी दिइएको थियो ।

काठमाडौंको कपुरधारास्थित आफ्नै निवासमा मंगलबार साँझ राष्ट्रकवि घिमिरेको १०१ वर्षको उमेरमा निधन भएको थियो ।