२०८३, श्रावण ११ गते
- यो साता चर्चामा :
काठमाडौं - इन्धनको मूल्यवृद्धिको विरोधमा प्रदेश-१ को मुख्यमन्त्री कार्यालय अगाडि उपभोक्ताले खाली सिलिण्डर राखेर प्रदर्शन गरेका छन् ।
खाना पकाउने ग्यासमा सिलिण्डर २ सय रुपैयाँ, पेट्रोलियम पदार्थमा प्रतिलिटर १० रुपैयाँ वृद्धि भएको थियो । मूल्य वृद्धिको विरोधमा मङ्गलवार विराटनगरस्थित मुख्यमन्त्री कार्यालय अगाडि प्रदर्शन गरेका हुन् ।
मनलाग्दी भएको मूल्य वृद्धिले सर्वसाधारणलाई सास्ती भएपछि प्रदर्शनमा उत्रिएको उपभोक्तावादी संस्था पब्लिक फोरमका अध्यक्ष उत्तम ढुङ्गेलले बताए ।
संघीय सरकारले मूल्य वृद्धि गर्दा प्रदेश सरकार चुप लागेर बसेको भन्दै खाली सिलिण्डर राखेर प्रदर्शन गर्नु परेको उनले बताए ।
प्रदर्शनका क्रममा स्थानीयले मूल्यवृद्धि तत्काल फिर्ता गर्न पनि माग गरेका छन् ।
