काठमाडौं । उपभोक्ता अधिकारकर्मी ज्योति बानियाँले दिलेन्द्रप्रसाद बडुले उद्योग, वाणिज्य तथा आपूर्ति मन्त्रालयको जिम्मेवारी सम्हाले पछि पेट्रोलियम पदार्थको मूल्यमा झन बढी चलखेल हुन थालेको दाबी गरेका छन् ।

उनले मन्त्री बडुले नेपाल आयल निगमलाई निजीकरण गर्न खोजेको पनि आरोप लगाए । पेट्रोलियम पदार्थको मूल्य बढाएर निगमलाई निजी क्षेत्रको जिम्मा दिने तयारी सरकारले गरिरहेको उनको आरोप छ ।

नेपाली रेडियो नेटवर्क (एनआरएन) को कार्यक्रम ‘नेपाली बहस’ मा पत्रकार ऋषि धमलासँग कुरा गर्दै बानियाँले भने,“महँगीले जनताको ढाड सेकेर सरकारले अपराध गरिरहेको छ, निजी क्षेत्रले पेट्रोलको भाउ २ सय ५० पुगेपछि मात्रै जिम्मा लिने प्रस्ताव राखेकाले लगातार पेट्रोलियम पदार्थको मूल्य वृद्धि गरिएको हो ।”