काठमाडौँ । देशभर पछिल्लो २४ घण्टामा थप २६ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार २ हजार ८६६ जनाको पीसीआर परीक्षण गर्दामा २३ जना र १ हजार २१२ जनाको एन्टीजेन परीक्षण गर्दा ३ जना गरी २६ जनामा संक्रमण पुष्टि भएको हो ।

पछिल्लो २४ घण्टामा कोरोनाबाट ३७ जना निको भएका छन् भने भने कसैको पनि मृत्यु भएको छैन ।

हाल देशभर ५५४ जना सक्रिय संक्रमित रहेका छन् । जसमध्ये ५३१ जना होम आइसोलेसनमा रहेका छन् भने २३ जना संस्थागत आइसोलेसनमा रहेका छन् । यस्तै ११ जना आईसीयू र १ जना भेन्टिलेटरमा उपचाररत् छन् ।

आज थपिएसँगै नेपालमा कोरोना संक्रमितको कुल संख्या ११ लाख १८ हजार ७६९ पुगेको छ । ती मध्ये ११ हजार ९५१ जनाको मृत्यु भइसकेको छ भने ९ लाख ६६ हजार १११ जना संक्रमणमुक्त भएका छन् ।