२०८३, श्रावण १० गते
- यो साता चर्चामा :
काठमाडौं – नेपाली कांग्रेसले कर्णाली प्रदेश सरकारमा मन्त्रीका लागि दुई जनाको नाम टुंगो लगाएको छ ।
मुख्यमन्त्री एवं संसदीय दलका नेता जीवनबहादुर शाहीले सुर्खेतका यज्ञबहादुर बीसी र दैलेखका हिमबहादुर शाहीलाई मन्त्री बनाउन लागेको मुख्यमन्त्रीको निजी सचिवालयले जनाएको छ ।
बिसी शाही संस्थापन समूहका हुन् । उनीहर”सँगै शेखर कोइराला समूहबाट जुम्लाका दिनबन्धु श्रेष्ठ पनि दावेदार थिए । उनी माओवादी केन्द्रका मुख्यमन्त्री महेन्द्रबहादुर शाहीको सरकारमा जलस्रोत तथा उर्जा विकासमन्त्री बनेका थिए ।
बीसी पनि शाही सकरारमा सामाजिक विकासमन्त्री थिए । अहिले मन्त्री बन्न लागेका शाही, संसदीय दलका सचेतक पनि हुन् ।
आइतबार बेलुकासम्म मन्त्रिपरिषदलाई पूर्णता दिने मुख्यमन्त्री शाहीको तयारी छ र शाही सरकारमा माओवादी केन्द्रबाट जाजरकोटमा गाणेशप्रसाद सिंह र हुम्लाका गैरसांसद छिरिङ दमदोल लामा (कार्चेन) मन्त्री बन्ने छन् ।
एकीकृत सामाजवादीबाट पदमबहादुर रोकायालाई मन्त्री बनाउन लागेको छ । यद्यपि, उनको नाम सिफारिस भएको छैन ।
