काठमाडौँ । पछिल्लो २४ घण्टामा देशभर थप ३४१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १० हजार ४१६ जनाको पीसीआर परीक्षण गर्दा ३१३ जना र २ हजार ८ सय २० जनाको एन्टीजेन परीक्षण गर्दा २८ जना गरी ३४१ जनामा संक्रमण पुष्टि भएकोे जनाएको छ ।

यस्तै पछिल्लो सोहि अवधिमा ३ जनाको मृत्यु भएको छ भने ३७६ जना संक्रमणमुक्त भएका छन् ।

योसँगै नेपालमा कोरोना संक्रमितको कुल संख्या ९ लाख २० हजार ३४५ पुगेको छ । ती मध्ये ८ लाख ७ हजार १५४ जना संक्रमणमुक्त भएका छन् भने ११ हजार ५५७ जनाको मृत्यु भएको छ ।
मन्त्रालयका अनुसार हाल देशभर ५ हजार ८२४ जना सक्रिय संक्रमित रहेका छन् । जसमध्ये ५ हजार ५०८ जना होम आइसोलेसनमा रहेका छन् भने ३१६ जना संस्थागत आइसोलेसनमा रहेका छन् । यस्तै १२६ जना आईसीयू र ३३ जना भेन्टिलेटरमा उपचाररत् छन् ।