काठमाडौँ । देशभर पछिल्लो २४ घण्टामा २७० जनामा कोरोना संक्रमण पुष्टि भएको छ ।

७ हजार ८२९ पीसीआर र दुई हजार ६१७ जनाको एन्टीजेन परीक्षणका क्रममा २७० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो सँगै कुल संक्रमितको संख्या ८ लाख २० हजार ५२७ पुगेको छ । हाल नेपालमा ७ हजार २८७ जना सक्रिय संक्रमित छन् ।

गत २४ घण्टामा ३०२ जना संक्रमित निको भएका छन् । यो सँगै देशभर निको हुनेको संख्या ८ लाख एक हजार ७२२ पुगेको छ ।

पछिल्लो सोहि अवधिमा २ जना संक्रमितको मृत्यु भएको मन्त्रालयले जनाएको छ । हालसम्म कोरोना संक्रमणबाट मृत्यु हुनेको संख्या ११ हजार ५१८ पुगेको छ ।