काठमाडौं । नेपाली कांग्रेसका सभापति शेरबहादुर देउवा पत्रकारहरुसँग रिसाएका छन् । आज विराटनगर विमानस्थलमा पत्रकारहरुले सोधेको प्रश्नले उनी रिसाएका हुन् ।

‘सरकारमा कहिले जाने ? अविश्वासको प्रस्ताव कहिले आउँछ ?’, जस्ता प्रश्न पत्रकारहरुले गरेका थिए । पत्रकारहरुले भने सरकारमा कहिले जाने ? अविश्वासको प्रस्ताव कहिले आउँछ ?’ जस्ता प्रश्न गरेका थिए । त्यसको जवाफमा देउवाले कांग्रेस विपक्षी पार्टी रहेको जवाफ दिए ।

त्यसपछि पत्रकारले अर्को प्रश्न सोधे, ‘ओली सरकारलाई समर्थन गर्ने हो ?’

यो प्रश्नले भने कांग्रेस सभापति देउवा रिसाए । उनले झेक्किँदै भने, ‘विपक्षी पार्टी भनेको सुन्नुभएन ? विपक्षी पार्टी, विपक्षी पार्टी विपक्षी पार्टी !’
देउवाको जवाफले विमानस्थलमा हाँसोका आवाज गुन्जिए । कतिपयले देउवालाई जिस्क्याए पनि ।

यसअघि देउवाले सरकारमा जान आफूहरुले नगरेको बताएका थिए । तर जिम्मेवारी आए नभाग्ने उनको भनाइ थियो । ।
सभापति देउवा पार्टीका दिवंगत नेता अशोक कोइरालाका परिवारलाई भेट्न विराटनगर गएका हुन् ।