२०८३, श्रावण १० गते
- यो साता चर्चामा :
काठमाडौं । नेकपा ओली समूहको स्थायी समिति बैठक जारी छ । प्रधानमन्त्री निवास बालुवाटारमा स्थायी समिति बैठक जारी रहेको नेता सुवास नेम्वाङले जानकारी दिनुभयो ।
संसद् विघटनको निर्णय सर्वोच्च अदालतले बदर गरेपछिको अवस्थाबारे छलफल गर्नका लागि प्रधानमन्त्रीसमेत रहेका अध्यक्ष केपी शर्मा ओलीले स्थायी समिति बैठक बोलाउनुभएको हो ।
बैठकमा नेताहरु ईश्वर पोखरेल, रामबहादुर थापा, नेम्वाङलगायत सहभागी छन् । तर पत्रकारहरुलाई प्रवेश दिइएको छैन ।
प्रधानमन्त्रीको सिफारिसमा राष्ट्रपति विद्यादेवी भण्डारीले गत पुस ५ गते गरेको संसद् विघटन असंवैधानिक ठहर गर्दै सर्वोच्चले मंगलबार बदर गरेको थियो ।
