२०८३, श्रावण १० गते
- यो साता चर्चामा :
काठमाडौं । नेकपाको प्रचण्ड–माधव समूहले घोषणा गरेको आमहड्ताल साँझ ५ बजेपछि फिर्ता हुने भएको छ । संसदीय सुनुवाइबिना नै विभिन्न संवैधानिक आयोगमहरुमा ३२ जना पदाधिकारी बुधबार नियुक्त गरेपछि थप ओक्रोशित भएको प्रचण्ड–माधव पक्षले आज एक दिने आमहड्ताल घोषणा गरेको हो ।
साँझ ५ बजेपछि आमहड्तालका सबै कार्यक्रम फिर्ता हुने नेता विष्णु रिजालले नेपाली नेटवर्कलाई जानकारी दिनुभयो ।
जारी आमहड्तालका क्रममा अहिलेसम्म विभिन्न ठाउँमा सवारीसाधन तोडफोड भएका छन् भने नेता कार्यकर्ताहरु पक्राउ परिहेका छन् । काठमाडौं उपत्यकाबाट मात्रै १५० नेता–कार्यकर्ता पक्राउ परेका छन् ।
नेकपा स्थायी कमिटी सदस्य अष्टलक्ष्मी शाक्य, हितमान शाक्य, अमृता थापा, विजय पौडेललगायत १ सय ५० बढी नेता–कार्यकर्ता पक्राउ परेको पार्टी प्रवक्ता नाराणकाजी श्रेष्ठले जानकारी दिनुभयो ।
