काठमाडौं । साउदीको रियाद र दमामबाट स्वादेश फर्कनका लागि २ हजार ६६८ जना नेपालीले साउदीस्थित नेपाली दूतावासमा आवेदन दिएका छन् ।

कोरोना भाइरसका कारण समस्यामा परेर स्वदेश फर्कनका लागि अनलाइन फर्म भरेका उनीहरुको नाम दूतावासले सार्वजनिक गरको छ ।
उक्त सूचीअनुसार साउदीको दमामबाट एक हजार ८८७ जना नेपाली स्वदेश फर्कन चाहेका छन् भने भने रियादबाट स्वदेश फर्कन चाहनेको संख्या ७८१ रहेको छ ।

आवेदन दिएकामध्ये प्राथमिकताका आधारमा उनीहरूलाई स्वदेश फर्काइने दूतावासले विज्ञप्तिमार्फत् जनाएको छ । आगामी दिनमा हुने उडानबाट स्वदेश फर्कने पर्खाइमा रहेका बहिर्गमन भिसा र रिइन्ट्री भिसाका लागि २४ गते बुधबारसम्म राजदूतावासमा अनलाइनबाट आवेदन गरेका नेपालीहरूको नामावली दूतावासले सार्वजनिक गरेको हो ।