२०८३, श्रावण १० गते
- यो साता चर्चामा :
काठमाडौं । सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक बालुवाटारमा जारी छ । बैठक केहीबेरअघि सुरु भएको हो ।
आजको बैठकमा प्रधानमन्त्रीसमेत रहेका अध्यक्ष केपी शर्मा ओली पनि सहभागि हुनुभएको छ । यसअघि गत मंसिर २१ गते बसेको बैठकमा ओलीको सहभागिता थिएन ।
ओली सहभागि हुने भएरै आजको बैठक बालुवाटार सारिएको स्रोतले जनाएको छ ।
गत मंसिर २१ मा पार्टी केन्द्रीय मुख्यालय धुम्बाराहीमा शुरु भएको बैठक आज प्रधानमन्त्री निवास बालुवाटारमा बोलाइएको हो ।
बैठकमा शोक प्रस्ताव पेश हुनेछ । नेकपाका केन्द्रीय सदस्य कमानसिं लामाको निधन भएकाले शोक मनाएर बैठक स्थगित गर्ने कार्यसूची रहेको जनाइएको छ ।
