काठमाडौं । प्रधानमन्त्री केपी शर्मा ओलीले टिकटक खोलेका छन् । आज उनको नामबाट भिडियो सेयरिङ एप टिकटक खोलिएको हो ।
प्रधानमन्त्री ओलीको अफिसियल टिकटक अकाउन्ट भेरिफाइडसमेत भइसकेको छ ।

अहिलेसम्म ओलीको आधिकारिक अकाउन्टमा एउटा मात्रै भिडियो अपलोड गरिएको छ । जसमा एक लाख भ्युज कटेको छ ।

प्रधानमन्त्रीको सचिवालयका अनुसार प्रधानमन्त्रीले पहिलादेखि नै फेसबुक र ट्विटर एकाउन्ट खोल्नुभएको थियो । ओलीले आफ्ना धारणाहरू टिकटकबाट पनि जनतामा पुर्याउन खोजेको सचिवालयका एक सदस्यले बताए ।