काठमाडौं । नेपाली कांग्रेसका नेता डाक्टर नारायण खड्काले वर्तमान सरकारले केहि काम गर्दै नगरेको भन्न नमिल्ने बताउनुभएको छ ।

सरकारले काम गरेन, असफल भयो भन्ने लगायत बाहिर जति पनि हल्ला गरिएको छ यो सबै कुरामा सत्यता नभएको दाबी गर्दै पूर्वमन्त्रीसमेत रहनुभएका नेता खड्काले सोचेजति डेलिवरी दिन भने केहि चुकेको स्विकार गर्नुभयो ।

नेपाली रेडियो नेटवर्कको नेपाली बहसमा पत्रकरा ऋषि धमलासँग कुरा गर्दै नेता खड्काले सरकारले गरेको काममा जनता निराश भइरहे पनि यो निराशालाई चिर्ने काममा भने सरकार लागिपरेको उहाँको दाबी छ ।

भ्रष्टाचार, बेथिती र कुशासन व्यापक भएकाले एकैपटक सबै कुरामा समाधान हुन नसके पनि सरकारले विस्तारै गरिरहेकोले अहिले नै असन्तुष्टि पोख्ने बेला नभएको पनि उहाँको सुझाव रहेको छ ।

संसदका दुई ठुला दल कांग्रेस र एमालेको समिकरणमा बनेको सरकारबाट आसा गर्न सकिने धेरै कारणहरु रहेको पनि उहाँको भनाइ छ ।