२०८३, श्रावण १३ गते
- यो साता चर्चामा :
काठमाडौं । बैतडीमा जिप दुर्घटना हुँदा पाँच जनाको मृत्यु भएको छ । अन्य चारजना घाइते भएका छन् ।
बैतडीको झुलाघाटबाट सदमुकाम गोठालापानी जाँदै गरेको ना १ ज २१९६ को जिप दुर्घटना हुँदा त्यहाँ सवार पाँच जनाको मृत्यु भएको हो ।
बैतडी प्रहरीका अनुसार उनीहरु पाँचै जनाको घटनास्थलमै मृत्यु भएको हो भने घाइते चार जनालाई उद्धारगरी उपचारका लागि अस्पताल पठाइएको छ ।
मृत्यु हुनेमा दशरथचन्द नगरपालिका –७ का पार्वती चन्द तथा अर्की यात्रु पार्वती चन्द, भगीरथ पाण्डे, कृष्ण लावड र कलावती चन्द रहेका छन् ।
दुर्घटनाको कारण यकिन हुन सकेको छैन । घटनाबारे अनुसन्धान भइरहेको प्रहरीले जनाएको छ ।
