२०८३, श्रावण ९ गते
- यो साता चर्चामा :
काठमाडौं । प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले आफ्नो पार्टी सरकारमा जाने भ्रममा नपर्न आग्रह गर्नुभएको छ ।
सत्तारुढ दल नेकपाका अध्यक्ष एवम् प्रधानमन्त्री केपी शर्मा ओलीले कांग्रेस सभापति शेरबहादर देउवासँग सत्ता साझेदार गर्न प्रस्ताव राखेको भन्दै खबर बाहिरिएपछि कांग्रेस प्रवक्ताको यस्तो धारणा बाहिर आएको हो ।
‘कांग्रेसलाई पाँच वर्ष विपक्षमा बस्ने प्रष्ट जनादेश छ अतः कुनै पनि भड्कावबाट टाढा रहनेछौं’, उहाँले ट्विटरमा लेख्नुभएको छ ।
प्रवक्ता शर्माले नेकपाको द्वन्द्वसँग कांग्रेसको कुनै सम्बन्ध नरहेको भन्दै आफ्नो पार्टी यस विषयमा निरपेक्ष रहेको स्पष्ट पार्नुभएको छ ।
‘यता र उताको जोड घटाउमा कांग्रेसको शिर गन्ने धृष्टता कोहीबाट नहोस्’, उहाँको भनाइ छ ।
