२०८३, श्रावण ९ गते
- यो साता चर्चामा :
काठमाडौं । सत्तारुढ नेपाल कम्युनिस्ट पार्टी (नेकपा) चरम विवादमा फसिरहेका वेला प्रधानमन्त्री केपी शर्मा ओली र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच भेटवार्ता भएको छ ।
प्रधानमन्त्री ओली र काग्रेस सभपाति देउवाबीच शनिबार नै प्रधानमन्त्री निवास बालुवाटारमा भेटवार्ता भए पनि आज मात्र यो बाहिरिएको हो । उनीहरुबीच शनिवार करिब ३ घण्टा भेटवार्ता भएको थियो ।
देउवानिकट स्रोतका अनुसार उक्त भेटमा प्रधानमन्त्री ओलीले देउवालाई सरकारमा आउन आग्रह गरेको र सत्ता साझेदारीका लागि के गर्नुपर्छ आफ्नोतर्फबाट तयार रहेको बताउनुभएको थियो ।
भेटमा नेकपाका तर्फबाट सुवासचन्द्र नेम्वाङ र कांग्रेसबाट रमेश लेखक पनि सहभागी रहेको बताइएको छ ।
प्रधानमन्त्री ओलीले देउवालाई रिक्त रहेका संवैधानिक निकाय र विश्वविद्यालयका उपकुलपति नियुक्तिको विषयमा छलफल गर्न भन्दै बोलाउनुभएको थियो । तर, उक्त भेटमा प्रधानमन्त्रीले सत्ता साझेदारीको कुरा पनि गरेको स्रोतको दाबी छ ।
यसअघि पनि नेकपामा विवाद भएका वेला गत असारमा ओली र देउवाले गोप्य भेट गरेका थिए ।
