काठमाडौं । नेकपा एमालेका नेता ठाकुर गैरेले वर्तमान सरकारले मुलुकको बिग्रदो अवस्थालाई सहि मार्गमा लैजाने काममा लागिपरेको बताउनुभएको छ ।

विगतको सरकारले अस्तव्यस्त बनेको मुलुक अहिले विस्तारै लयमा फर्किन थालेको नेता गैरेको भनाइ छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता गैरेले संसदका दुई ठुला दल एक हुनुको मूख्य कारण नै मुलुकको बिग्रदो अवस्था रहेकाले अहिले क्रमश सुधारतर्फ गैरहेको र परिणामहरु प्नि देखिन थालेको स्पष्ट पार्नुभयो ।

यस्तै अर्थतन्त्रमा सुधारका संकेतहरु आइरहेको दाबी गर्दै नेता गैरेले मुलुकको विकाश गर्ने सरकार नै अहिलेको भएको जिकिर गर्नुभयो ।

प्रतिपक्षले विभिन्न किसीमका अफवाह र भ्रम फैलाएर सरकारलाई कमजोर पार्ने काम गरिरहेको आरोप लगाउँदै उहाँले वर्तमान सरकार शक्तीशाली भएकाले अलिकती पनि टसमस नहुने झन् बलियो बनेर अगाडि बढ्ने विश्वास दिलाउनुभयो ।

गठनका बेला भएको सहमति अनुसार नै चलिरहेकाले आगामी निर्वाचनसम्मै सरकार रहनेमा कुनै शंका नरहेको उहाँको दाबी छ ।

यस्तै, जनतामा छाएको निरासा एकैपटक कम नभए पनि बिस्तारै कम हुँदै आसामा परिणत हुने पनि उहाँको विश्वास रहेको छ ।